Азербайджан не прызнае «выбары» тэрарыстаў у Данбасе
11- 6.11.2014, 18:49
- 12,832
Афіцыйны Баку заяўляе аб непрызнанні выбараў у самаабвешчаных "ЛНР" і "ДНР".
Пра гэта заявіў афіцыйны прадстаўнік МЗС Азербайджана Хікмет Гаджыеў, інфармуе "Інтэрфакс-Украіна".
"Азербайджан паслядоўна падтрымлівае тэрытарыяльную цэласнасць і суверэнітэт Украіны і ў сувязі з гэтым не прызнае якія-небудзь так званыя выбары на тэрыторыі гэтай краіны без згоды цэнтральных улад", - заявіў ён.
Нагадаем, так званыя выбары ў самаабвешчаных ДНР і ЛНР прайшлі 2 лістапада. У Еўрапарламенце раней адзначылі незаконнасць "псеўдавыбараў" у падкантрольных тэрарыстам раёнах Данбаса.