Аўстралійскіх каал вучаць абдымацца з сусветнымі лідарамі (Відэа)
8- 6.11.2014, 21:59
- 7,517
Каал з Lone Pine Koala Sanctuary ў аўстралійскім Брысбене вучаць абдымацца з сусветнымі лідарамі напярэдадні саміту G20.
Як паведамляе Delfi.lv са спасылкай на The Irish Times, трэніроўкі праходзяць штодня і доўжацца ад 10 да 30 хвілін. Жывёлы вучацца, як трэба сустракаць, вітаць і абдымаць самых уплывовых лідараў свету.
Адзначаецца, што мясцовыя каалы да знакамітасцей звыклыя. У прыватнасці, яны фатаграфаваліся з тэнісістам Роджэрам Федэрэрам, акцёрам Джонам Траволтам і спявачкай Тэйлар Свіфт. Цяпер у Lone Pine Sanctuary спадзяюцца, што ў каал будзе шанец сустрэцца з такімі кіраўнікамі дзяржаў, як прэзідэнт ЗША Барак Абама, прэзідэнт Расеі Уладзімір Пуцін і канцлер Нямеччыны Ангела Меркель.
Саміт G20 пройдзе ў Брысбене на наступным тыдні.