Сафія Ратару адмовілася спяваць за рублі
17- 9.11.2014, 10:06
- 42,057
Канцэртны дырэктар Сафіі Ратару Сяргей Лаўроў паведаміў, што ў спявачкі няма прапаноў працы ў навагоднюю ноч.
Лаўроў мяркуе, што дэфіцыт прапаноў звязаны з курсам валюты, бо ганарары большасць артыстаў атрымлівае ў еўра і далярах, паведамляе glavnoe.ua.
«Знізіць ганарар, перавёўшы яго ў рублі? Не. У рублях Сафія Міхайлаўна грошы не прымае, бо жыве ў іншай дзяржаве. Але ў сувязі з сітуацыяй, якая склалася, мы, вядома, будзем думаць пра зніжкі», - разважае Лаўроў.
Многіх выканаўцаў закранула змяненне курсу валют. Мэнэджары артыстаў Ігар Верніка, Леаніда Ярмольніка, Валдзіса Пельша, тэлевядучай Аўроры паведамілі, што хоць і не збіраюцца пераходзіць на рублёвыя ганарары, але гатовыя працаваць паводле спецыяльнага «паніжанага курсу».
Спявачка Наталі будзе браць ганарары ва ўсякай валюце, а таксама абмяркоўваць зніжкі. А Алена Ваенга перакананая: расейскія артысты павінны атрымліваць за выступы рублі, а не «варожыя еўра».