Франс Нільсэн: Я атрымаў ад Грабоўскага суперпас!

Аўтар пераможнай шайбы ў вароты «Арызоны» (1: 0), нападнік «Айлендэрс» Франс Нільсэн аддаў належнае майстэрству беларускага форварда Міхаіла Грабоўскага.

Наш хакеіст выдаў класную галявую перадачу.

«Грабоўскі на велізарнай хуткасці пакаціў за вароты і зрабіў віраж, я за ім не паспеў і падтрымліваў атаку другім тэмпам, пастараўся знайсці свабодную зону для кідка. І я атрымаў ад партнёра суперпас! Цудоўна, што ён убачыў такую магчымасць. У мяне, дарэчы, была выдатная магчымасць вызначыцца і да гэтага. Але ў тым эпізодзе класны кідок зрабіў Сміт», - прыводзіць словы Нільсэна "Прессбол".