Барысаўскі БАТЭ ў 11-раз стаў чэмпіёнам Беларусі
15- 9.11.2014, 19:54
- 8,800
Барысаўскі БАТЭ стаў адзінаццаты раз чэмпіёнам Беларусі ў футболе. Гэта дзевяты тытул БАТЭ запар.
Чэмпіёнства заваяванае датэрмінова, за два туры да заканчэння турніру.
9 лістапада ў матчы 30-га тура БАТЭ на сваім полі абыграў наваполацкі «Нафтан» - 4:0.
Тры галы барысаўчане забілі яшчэ ў першым тайме - вызначыліся Міхаіл Гардзяйчук (24-я хвіліна), Віталь Радзівонаў (26) і Аляксандр Карніцкі (40). На 72-й хвіліне гульні свой другі гол у матчы забіў Радзівонаў, паведамляе БелаПАН.