Расейскі фінансіст Рабіновіч выклікаў Пуціна на тэледэбаты

Адзінае, у чым атрымаў поспех расейскі прэзідэнт, - гэта хаміць журналістам і трымаць тэлегледачоў за поўных ідыётаў.

Пра гэта заявіў расейскі фінансіст Слава Рабіновіч на сваёй старонцы ў сацыяльнай сетцы «Фэйсбук».

«Жадаю выклікаць Пуціна на тэледэбаты. Ён і я. Пагаварыць пра рубель, пра дэвальвацыю, пра яе эфект, пра эканоміку агулам, аб фінансах, пра санкцыі, аб ўнутранай палітыцы, аб замежнай палітыцы, пра геапалітычныя авантуры, аб злачынствах, пра будучыню. Ён і я. Так? Ці згодныя, Уладзімір Уладзіміравіч? На «Первом канале» расейскай тэлевізіі. Без хамства і зневажання. Ці вы няма з кім? «Партнёра» няма? Я не магу прэтэндаваць на такі гонар?» - напісаў Рабіновіч.

Ён адзначыў, што Пуцін можа выступаць толькі аднаасобна, без апанента.

«Вядома, вы толькі маналогам можаце. Гэта ўсё так геніяльна, што аж дух захоплівае. Кіраўнік дзяржавы ж - заўсёды ведае, што гаворыць. Кандыдат эканамічных навук. Дарадца ў эканамічных пытаннях - наогул акадэмік», - піша Слава Рабіновіч.