Дональд Туск стаў новым старшынём Еўрарады

Экс-прэм'ер Польшчы афіцыйна прыступіў да выканання абавязкаў старшыні Еўрапейскай рады.

Дональд Туск змяніў на гэтай пасадзе былога кіраўніка ўрада Бельгіі Хэрмана Ван Рампея, паведамляе BBC.

Былы прэм'ер-міністр Польшчы - першы кіраўнік Еўрапейскай рады з краіны былога камуністычнага блока.

Дональд Туск на пасадзе кіраўніка Еўрарады будзе займацца падрыхтоўкай самітаў кіраўнікоў дзяржаў і ўрадаў 28 краін Еўразвяза, а таксама выпрацоўкай кампрамісаў паміж лідэрамі супольнасці ў праблемных пытаннях, сярод якіх прадаўжаецца крызіс ва Украіне, стасункі з Расеяй і слабая эканоміка краін еўразоны.