У гарадзенца канфіскавалі «шэрых» iPhone на паўмільярда

Тавар на суму амаль 590 млн. рублёў канфіскаваны.

Раніцай 29 лістапада ў Гародні падчас рэалізацыі аператыўнай інфармацыі памежнікі з прыцягненнем на стадыі рэалізацыі супрацоўнікаў абласнога ўпраўлення Камітэта дзяржкантролю затрымалі мясцовага жыхара 1985 г.н.

Як паведамляе Дзяржпагранкамітэт РБ, у ягоным аўтамабілі праваахоўнікі выявілі 49 «яблычных» смартфонаў апошняй мадэлі без дакументаў, якія пацвярджаюць легальнасць набыцця тавару.

Папярэдняя сума ацэнкі тавару склала амаль 590 млн рублёў. Ён канфіскаваны. У дачыненні да ўладальніка пачаты адміністрацыйны працэс.