Выбары ў Польшчы: у вялікіх гарадах перамагла «Грамадзянская платформа»

«Грамадзянская платформа» выйграла мясцовыя выбары ў буйных гарадах Польшчы.

Другі тур выбараў прайшоў у Польшчы ў мінулую нядзелю, 30 лістапада.

Партыя «Закон і справядлівасць» - асноўны канкурэнт «Грамадзянскай платформы» - некалькі павялічыла свае вынікі. Тым не менш, у некалькіх населеных пунктах, у якіх да гэтага часу была кіруючай, яна прайграла. Што да буйных гарадоў, то перамогу ў іх атрымалі прадстаўнікі «Грамадзянскай платформы», піша onet.pl (пераклад - charter97.org).

У Варшаве прэзідэнтам па ранейшаму засталася Ханна Гранкевіч-Вальтц, у Гданьску - Павел Адамовіч, ва Уроцлаве - Рафал Дуткевіч, у Кракаве - Яцэк Майхроўскі.

- На маю думку, менавіта ў гэтых гарадах, у якіх прэзідэнты кіруюць ўжо некалькі тэрмінаў, чакаюцца перамены, - каментуе палітолаг Міхал Кжымоўскі.

На выбарах у мясцовыя органы кіравання добрыя вынікі былі дасягнутыя і «Польскай народнай партыяй» (PSL). Праз год адбудуцца парламенцкія выбары. Як лічыць эксперт, на іх «PSL будзе не ў стане паўтарыць падобны поспех» і барацьба разгорнецца паміж галоўнымі палітычнымі супернікамі - партыямі «Грамадзянская платформа» і «Закон і справядлівасць".

- З вялікай верагоднасцю можна прыняць, што нас чакае зараз барацьба за польскую вёску, - заўважае Міхал Кжымоўскі.

Фота: AP/Alik Keplicz