Таццяну Севярынец аштрафавалі за фота на вуліцы

Суд Чыгуначнага раёна Віцебска аштрафаваў Таццяну Севярынец на 25 базавых велічынь.

Каардынатара аргкамітэта стварэння партыі "Беларуская хрысціянская дэмакратыя" ў Віцебску Таццяну Севярынец суд Чыгуначнага раёна Віцебска 1 снежня аштрафаваў за фота на вуліцы на 25 базавых велічынь, або на 3,75 млн. рублёў. Пра гэта сайту charter97.org паведамілі ў прэс-службе аргкамітэта.

"Такая вялікая сума, напэўна, за палкую прамову", - адзначыла Таццяна Севярынец.

Нагадаем, у сярэдзіне лістапада на пецярых віцебскіх журналістаў і грамадскіх актывістаў склалі міліцэйскія пратаколы - за нібыта ўдзел у несанкцыянаваным пікетаванні. "Доказам" у справе з'яўляецца фота з інтэрнэт-сайтаў, дзе некалькі чалавек сфатаграфаваліся на вуліцы побач з графіці.

Актывістку аргкамітэта БХД Алену Шабуню за гэта фота 28 лістапада аштрафавалі на 18 базавых.

Фота: bchd.info