У метро Менска забаранілі хадзіць у слухаўках і басанож

Урад зацвердзіў новыя правілы аб перавозцы пасажыраў.

У документе, опубликованномдакуменце, апублікаваным на Нацыянальным партале прававой інфармацыі, транспартнікі далі вызначэнні валідатарам, электронным білетам, дыспетчарскім станцыям, кампосцерам і кандуктарам. Пасажырам гарадскіх трамваяў і тралейбусаў абавязалі «трымацца за поручань падчас руху пры праездзе ў салоне стоячы, захоўваючы асцярожнасць». Больш за ўсё дзіўных новаўвядзенняў датычыцца паводзінаў у метро Менска. Некаторыя з іх выклікаюць здзіўленне.

Пасажыры метро абавязаныя «не бегаць па прыступках лесвічных спускаў і платформаў». Пры гэтым ім дазволілі ўсё ж такі хадзіць па эскалатарах, нягледзячы на тое, што раней метрапалітэн патрабаваў забараніць і гэта.

Пасажыры метро абавязаныя «не парушаць грамадскі парадак і не абражаць сваім знешнім выглядам або паводзінамі грамадскую маральнасць». Пасажырам нельга слухаць музыку праз гукаўзмацняльнікі, граць на музычных інструментах і нават быць у навушніках на платформе метрапалітэна, калі гэта не слыхавы апарат. Пасажыру таксама нельга знаходзіцца на станцыі метро без абутку.

Забаронена таксама перасоўвацца ўнутры станцый метро і ў падземных пераходах на роварах, ролікавых каньках і іншых падобных сродках, выключаючы інвалідную калыску.

Асобны грунтоўны пункт у правілах метрапалітэна цяпер прысвечаны надгляду пасажыраў. Паведамляецца, што менавіта работнік службы бяспекі перавозчыка абавязаны паведамляць пасажыру, якога хоча даглядзець, і якія правы пры гэтым мае пасажыр.

«Асобе, што адмовіліся даць работнікам службы бяспекі перавозчыка змесціва ручной паклажы для правядзення надглядных мерапрыемстваў, можа быць адмоўлена ў надаванні паслугі перавозкі», - сказана ў правілах.

Правілы перавозак пасажыраў гарадскога электратранспарту і метрапалітэна зацверджаныя Пастановай Саўміна ад 22 лістапада 2014 года.