Пагадненне пра бязвізавы рэжым з Беларуссю ратыфікаваны Ізраілем
3- 10.12.2014, 9:26
- 5,564
13 снежня гэтае пытанне будзе прадстаўленае на разгляд ураду Ізраіля.
Пра гэта паведаміў БелТА пасол Ізраіля ў Беларусі Іосіф Шагал.
З ягоных слоў, нягледзячы на тое, што 8 снежня ізраільскі парламент самараспусціўся, ягоныя камісіі працуюць да чацвярга ўключна, і сёння ў другой палове дня на пасяджэнні адной з камісій было ратыфікаванае беларуска-ізраільскае пагадненне аб бязвізавым рэжыме паездак для ўладальнікаў нацыянальных пашпартоў.
13 снежня гэтае пытанне будзе прадстаўленае на разгляд урада Ізраіля, адзначыў Іосіф Шагал.
«Як толькі працэдура ратыфікацыі адбудзецца ў беларускім парламенце, мы абмяняемся адпаведнымі нотамі, і праз 90 дзён пасля гэтага беларусы і ізраільцяне - уладальнікі нацыянальных пашпартоў - змогуць ездзіць адно да аднаго без віз», - удакладніў пасол.