Беларусь займае 11 месца па ўзроўні мілітарызацыі
8- 10.12.2014, 10:27
- 10,501
Беларусь заняла 11-е месца ў Глабальным індэксе мілітарызацыі - 2014 з 152 краін.
Лідзіруюць у рэйтынгу Ізраіль, Сінгапур і Арменія. Акрамя іх, у першую дзесятку ўвайшлі Сірыя, Расея, Кіпр, Паўднёвая Карэя, Іарданія, Грэцыя і Азербайджан, піша АФН.
Глабальны індэкс мілітарызацыі адлюстроўвае значнасць вайсковага апарата дзяржавы ў дачыненні да грамадства агулам. У прыватнасці, пры яго разліку выкарыстоўваюцца суадносіны вайсковых выдаткаў з ВУП і выдаткамі на ахову здароўя (у адсотках ад ВУП), а таксама суадносіны колькасці цяжкага ўзбраення і ўсяго насельніцтва краіны.
Індэкс GMI-2014 разлічаны на аснове звестак, атрыманых у 2013 годзе.