Навукоўцы выявілі новыя карысныя ўласцівасці апельсіна

Высветлілася, што антыаксідантныя ўласцівасці апельсінаў у дзесяць разоў вышэйшыя, чым меркавалася раней.

Да такой высновы прыйшлі навукоўцы з Універсітэта Гранада (Гішпанія) падчас праведзенага даследавання, піша aif.ru.

Гэта азначае, што апельсіны і апельсінавы сок абараняюць арганізм ад заўчаснага старэння, а таксама дапамагаюць значна ўмацаваць імунітэт, актываваць страваванне і абараніць клеткі ад акісляльных рэакцый.

Дадамо, у апельсінавым соку ўтрымліваецца таксама значная колькасць вітаміна С і Д, якія дапамагаюць абараніць арганізм ад сезоннай прастуды. Акрамя таго, цытрусы дапамагаюць печані расшчапляць таксіны і абараняюць яе ад розных захворванняў, у тым ліку і ад атлусцення.