Дэвід Бэкхэм запусціць уласны брэнд адзення

Дэвід Бэкхэм плануе выпускаць вопратку пад уласным імем.

Мяркуецца, што спачатку новы брэнд засяродзіцца на вытворчасці спартыўнага адзення для мужчын, паведамляе Cosmopolitan, піша «Росбалт».

Пра гэта на прэс-канферэнцыі ў Ганконгу распавёў бізнэс-партнёр футбаліста Сайман Фулер (у мінулым, дарэчы, менэджар Spice Girls). Ён жа адзначыў, што яны будуць абапірацца «на папулярнасць Бэкхэма і яго статус як аднаго з самых вядомых у свеце спартоўцаў і іконы стылю».

Сам Дэвід Бэкхэм каментароў пакуль не дае.