Бойка фанатаў пад Жлобінам: шакавальнае відэа

Масавыя беспарадкі з удзелам некалькіх дзясяткаў чалавек адбыліся недалёка ад Жлобіна.

З відэа, дасланага ў рэдакцыю мясцовага сайта «Жлобін-онлайн», відаць, што сутыкненне адбывалася з асаблівай жорсткасцю.

«Асаблівасцю такіх боек з'яўляецца бескантрольнасць, бо калі знаёмыя крычаць «Забівай, бі па нырках», байцу складана спыніцца, бо ён будзе выглядаць «сцыклом». Але такія бойкі часам сканчаюцца з смяротнымі зыходамі. Чым скончылася гэтая бойка, у рэдакцыю не паведамілі, і якія дакладна фанаты біліся, таксама», - піша сайт.

Відэа было апублікаванае 14 лістапада 2014 г., бліжэйшая гульня ў Жлобіне праходзіла 31 кастрычніка паміж мясцовым «Металургам» і «Гомелем».