Баевікі атакавалі 10 населеных пунктаў Данбаса
5- 10.12.2014, 15:15
- 22,692
Найбольш пагрозлівая сітуацыя - на Бахмутаўскай трасе.
Пра гэта паведаміў прадстаўнік Інфармацыйна-аналітычнага цэнтра Рады нацыянальнай бяспекі і абароны Украіны Андрэй Лысенка сёння на брыфінгу ў Кіеве, паведамляе УНІАН.
«Пад Данецкам тэрарысты з зенітных установак і стралковай зброі абстралялі пазіцыі ўкраінскіх вайскоўцаў на тэрыторыі Данецкага аэрапорта і пад Мар’інкай, - адзначыў ён. - Пад Дэбальцавым зафіксаваны агонь у раёне населенага пункта Рэдкадуб, Нікішыным»
Таксама, з ягоных слоў, расейскія найміты абстралялі пазіцыі сіл АТА ў прыгарадзе Горлаўкі - каля населеных пунктаў Маёрскае і Шумы.
«Найбольш пагрозлівым фактам быў абстрэл нашых пазіцый з танкаў, артылерыі і стралковай зброі ў раёнах пасёлкаў Крымскае і Сакольнікі, што на Бахмутаўскай трасе, - заявіў прэс-сакратар РНБА. - Абстралялі нашы пазіцыі ў раёне станіцы Луганскай».
Таксама Лысенка адзначыў, што на поўдні бандыты абстралялі з артылерыі апорны пункт каля пасёлка Мікалаеўка Валнавахскага раёна.