Афганская паліцыя пераблытала рэдкую птушку з бомбай

Праз засцярогу атакі з боку Талібану супрацоўнікі службаў бяспекі Афганістана застрэлілі адну з рэдкіх у свеце птушак.

Паліцыя паўночнай правінцыі Фар’яб паведаміла мясцовай прэсе аб тым, што стрэл у вялікую птушку суправаджаўся «моцным выбухам» і была выяўленая сістэма электрапровадаў, якая, як уяўлялася, складала частку складанага «пояса смяротніка», гаворыцца ў артыкуле ў Times (пераклад — Инопресса.ру).

Гэтыя паведамленні прыцягнулі міжнародную ўвагу, але таксама выклікалі адчайныя крыкі аматараў арніталогіі, якія апазналі птушку, якая знаходзіцца пад пагрозай знікнення, драфу, «усходняга джэка».

Пасля ідэнтыфікацыі маркера на назе мёртвай птушкі палітычны аналітык з Кабула Кейт Кларк устанавіла, што яна належала да папуляцыі, якую разводзяць ва Узбекістане і вядуць за ёй назіранне пры дапамозе GPS і антэны, прывязанай да спіны птушкі.