«Амкар» хоча запрасіць Ганчарэнку
3- 10.12.2014, 15:57
- 8,843
Учора расейскі футбольны клуб абвясціў аб адстаўцы галоўнага трэнера Славалюба Мусліна.
Яго сыход быў аднагалосна ўхвалены на пасяджэнні праўлення ў панядзелак 8 снежня. Паводле звестак прэс-службы клуба, чальцы праўлення падвялі вынікі выступлення каманды ў першай частцы чэмпіянату Расеі і прызналі іх нездавальняючымі: пасля 17 тураў «Амкар» набраў толькі 12 ачкоў, размясціўшыся на 14-м месцы ў турнірнай табліцы, усяго на адзін бал абганяюць галоўных аўтсайдэраў «Арсенал» і «Растоў». Кантракт з спадаром Мусліным дзейнічаў яшчэ паўтара года - да 30 чэрвеня 2016 года, піша «Коммерсант».
Славалюб Муслін, які ўзначаліў «Амкар» усяго пяць месяцаў назад - у чэрвені 2014 года, учора наракаў на рэгулярныя затрымкі заработнай платы.
Крыніца ў клубе паведаміла, што на праўленні абмяркоўвалася галоўным чынам адна кандыдатура новага трэнера - беларуса Віктара Ганчарэнкі, нядаўна звольненага з пасады настаўніка «Кубані». Таксама было названае імя румынскага спецыяліста Дана Петрэску.