Спроба вярнуць у Беларусь партыю яблыкаў выявілася пагоняй за кіроўцам

Кіроўца фуры спрабаваў прарвацца ў Расею з Беларусі, абмінаючы пост кантролю.

Пра гэта сайту charter97.org паведамілі ў прэс-службе Рассельгаснагляду.

Інцыдэнт адбыўся ў пункце пропуску ў Себежскім раёне Пскоўскай вобласці ў ноч на 9 снежня. Супрацоўнікі ведамства спынілі аўтамабіль, які перавозіў 18,8 тоны яблыкаў з Польшчы. Паколькі транзіт з Беларусі ў Казахстан забаронены, пачалася працэдура вяртання прадукцыі. Аднак падчас афармлення дакументаў кіроўца грузавога аўтамабіля самавольна пакінуў пост і заехаў на тэрыторыю Расеі.

«У момант афармлення працэдуры звароту названай партыі тавару, кіроўца грузавога аўтамабіля самавольна пакінуў пост і без дакументаў з'ехаў на тэрыторыю Расейскай Федэрацыі. Дзякуючы правядзенню сумесных дзеянняў службовых асоб органаў ФМС, Рассельгаснагляду, і Упраўлення МУС Пскоўскай вобласці транспартны сродак было затрыманы ў горадзе Пскове, у 230 км ад паста вёскі Далосцы», - гаворыцца ў паведамленні.

Гэты выпадак дазваляе зрабіць выснову, што партыя польскіх яблыкаў не прызначалася для адпраўкі ў Казахстан, а планавалася да рэалізацыі на тэрыторыі РФ, мяркуюць у Рассельгаснаглядзе.