Войска Бразіліі заклікалі прызнаць злачынствы дыктатуры

Урадавая камісія ў Бразіліі апублікавала справаздачу аб катаваннях, выкраданнях і забойствах у краіне ў часы вайсковай дыктатуры.

Камісія таксама заклікала ўзброеныя сілы прызнаць адказнасць за падзеі 30-гадовай даўніны, паведамляе BBC.

Прадстаўнікі камісіі парэкамендавалі ўраду не падводзіць пад амністыю адказных за злачынствы, учыненыя з 1964-га па 1985 год.

Крытыкі абвінавачваюць аўтараў дакладу ў неаб'ектыўнасці і кажуць, што вайсковыя ўлады выратавалі Бразілію ад камуністычнай пагрозы.

Прэзідэнт Дылма Русеф сама ў маладосці была арыштаваная і падвергнулася катаванням.