Мінімальны заробак у Беларусі складзе $190
9- 11.12.2014, 9:56
- 10,170
Мінімальны заробак у Беларусі на 1 студзеня 2015 года складзе 2,1 мільёна рублёў.
Пастанову аб гэтым прыняў Савет міністраў краіны.
Мінімальная зарплата - гэта дзяржаўны мінімальны сацстандарт, які працадаўцы павінны ўжываць як самую нізкую планку аплаты працы работнікаў. Праўда, у тым выпадку, калі праца вядзецца ў нармальных умовах на працягу звычайнай працягласці працоўнага часу пры выкананні абавязкаў работніка, піша «Комсомольская правда в Беларуси».
У жніўні ў Беларусі ўвайшла ў дзеянне новая рэдакцыя закона «Аб устанаўленні і парадку павышэння мінімальнай заработнай платы», пасля чаго памер гадзіннай мінімальнай зарплаты вызначаецца шляхам дзялення памеру месячнай мінімальнай зарплаты на суадносіны разліковай нормы працоўнага часу каляндарнага года.