Пасля слоў Лукашэнкі менчукі кінуліся ў аптэкі
14- 11.12.2014, 14:22
- 42,142
Менчукі штурмуюць аптэкі праз выказванні прэзідэнта пра пастанову Міністэрства аховы здароўя.
- Гэта ваша вядомая пастанова, як мне падалося, выклікала цэлую буру эмоцый у нашым грамадстве. Людзі пачалі скардзіцца, што Міністэрства аховы здароўя займаецца не тым, чым трэба, - сказаў Аляксандр Лукашэнка ў час нядаўняй сустрэчы з міністрам аховы здароўя Васілём Жарко. Нагадаем, што ў кастрычніку Міністэрства аховы здароўя прыняло пастанову, паводле якой усе рэцэпты пасля куплі лекаў павінны заставацца ў аптэках, піша «Комсомольская правда в Беларуси».
Натхнёныя грамадзяне ў той жа вечар пачалі атакаваць аптэкі.
- Адразу пасля таго, як гэтую сустрэчу паказалі па тэлевізары, народ актывізаваўся, чакаючы, што цяпер жа нешта зменіцца ў продажы лекаў. Шустрыя пенсіянеры тут жа да нас з пытаннямі: «Вы ведаеце, што прэзідэнт сказаў?», - Распавялі нам работнікі сталічнай дзяржаўнай аптэкі. – Мы то ўсё ведаем, але зацверджаныя правілы продажу лекі ніхто не скасоўваў. І людзі пачулі тое, што хацелі пачуць. Бо прэзідэнт у выніку падтрымаў прынятую пастанову.
І з гэтым не паспрачаешся.
- На самай справе прынятая правільная пастанова, - на заканчэнне сказаў Аляксандр Лукашэнка міністру. - Я не выключаю, што камусьці гэта не падабаецца. І гэта ў нас заўсёды бывае.
У прэс-службе Міністэрства аховы здароўя запэўнілі, што бліжэйшым часам пераменаў у правілах продажу лекаў не чакаецца.