Макей абмеркаваў з амбасадарамі ЕЗ «праблемныя пытанні» адносін з РФ
6- 11.12.2014, 18:30
- 6,963
11 снежня ў МЗС Беларусі была праведзеная сустрэча з кіраўнікамі дыпламатычных місій краін-чальцоў ЕЗ, размешчаных у Менску.
Пра гэта charter97.org паведамілі ў прэс-службе МЗС.
Падчас размовы адбыўся абмен думкамі аб праблемных пытаннях у адносінах Рэспублікі Беларусь і Расейскай Федэрацыі, а таксама развіцця еўразійскіх інтэграцыйных працэсаў. У гэтым кантэксце была адзначаная важнасць дыялогу і супрацоўніцтва паміж Беларуссю і ЕЗ.
Міністр замежных спраў Рэспублікі Беларусь Уладзімір Макей таксама правёў тэлефонныя размовы з шэрагам сваіх калег з краін-чальцоў ЕЗ і абмеркаваў з імі развіццё сітуацыі ў рэгіёне і беларуска-еўрапейскія адносіны.
Фота: Reuters