Азаранка распавяла пра самыя памятныя падзеі ў сваёй кар'еры
5- 12.12.2014, 11:40
- 5,177
Беларуская тэнісістка ніколі не забудзе той час, які правяла на Алімпіядзе ў Лондане.
25-гадовая беларуская тэнісістка Вікторыя Азаранка, якая займае ў сусветным рэйтынгу 31-ы радок, назвала самай памятнай падзеяй у сваёй кар'еры ўдзел на Алімпійскіх гульнях у сталіцы Вялікабрытаніі, піша gotennis.ru.
«Ніколі не забуду той час, які я правяла на Алімпіядзе ў Лондане», - напісала Азаранка ў сваім блогу на сэрвісе Instagram, дапоўніўшы запіс фатаграфіяй.
Нагадаем, што на Гульнях у 2012 годзе Вікторыя заваявала два медалі - бронзавы ў адзіночным разрадзе і залаты ў міксце з Максімам Мірным.