Курсам барэля: што будзе з эканомікай Расеі пры кошце нафты ніжэй за $60

Падзення расейскай эканомікі ў наступным годзе не пазбегнуць нават пры кошце $100 за барэль.

Міжнародныя арганізацыі глядзяць у будучыню Расеі з большым аптымізмам, чым расейскія ўлады і эксперты. Ні ААН, ні МВФ, ні АЭСР не чакаюць рэцэсіі ў 2015 годзе. У той час як Мінэканамразвіцця і апытаныя РБК эканамісты ўпэўненыя, што рэцэсіі не пазбегнуць нават у выпадку росту коштаў нафты.

«Геапалітычная напружанасць у рэгіёне стала прычынай стварэння складаных замежных умоў, якія характарызуюцца высокім узроўнем нявызначанасці. Эканамічная актыўнасць у РФ замерла, што таксама знізіла перспектывы росту ў іншых краінах рэгіёну. На Украіне перыяд слабога росту вытворчасці змяніўся ягоным рэзкім скарачэннем. Менш буйныя краіны СНД пацярпелі ад зніжэння патоку грашовых пераводаў», - такая карціна намаляваная ў апублікаванай у чацвер папярэдняй версіі дакладу ААН аб глабальнай эканамічнай сітуацыі ў 2015 годзе.

Тым не менш ААН не чакае ў Расеі рэцэсіі - яна прагназуе ў 2015 годзе рост на 0,2%. З ёй салідарныя і іншыя міжнародныя арганізацыі: МВФ чакае росту на 0,2%, АЭСР мяркуе, што рост будзе нулявы. З буйных міжнародных арганізацый толькі Сусветны банк прагназуе рэцэсію. Ягоны базавы сцэнар прадугледжвае зніжэнне ВУП на 0,7% пры кошце нафты $78 за барэль.

Афіцыйны прагноз расейскага Мінэканамразвіцця горшы - ён мяркуе рэцэсію: ВУП знізіцца на 0,8% пры сярэднегадовым курсе даляра 49 руб і інфляцыі 7,5%. Прагноз разлічаны зыходзячы з кошту нафты $80 за барэль.

РБК папрасіў экспертаў палічыць, як зменяцца асноўныя эканамічныя паказчыкі пры розным кошце нафты (гл табліцу). Аналітыкі Альфа-банка і АФК «Сістэма» закладвалі ў сваю мадэль, што антырасейскія санкцыі захаваюцца цягам ўсяго 2015 года, а «Рэнесанс Капіталу» - што яны будуць знятыя не пазней трэцяга квартала.

Усе апытаныя згодныя, што пры сярэднегадавым кошце $70 за барэль Расею чакае рэцэсія (спад ад 0,2 да 3,1%). Але, на думку галоўнага эканаміста АФК «Сістэма» Яўгена Надоршына, падзення эканомікі налета не пазбегнуць нават пры кошце $100 за барэль.

«Ёсць адчуванне, што пры цяперашнім развіцці падзей будзе складана атрымаць $80 за барэль у сярэднім у 2015 годзе. Больш разумна разлічваць на аднаўленне да $70 за барэль. І як песімістычны, я пакуль разглядаю сцэнар пры $60 за барэль, - разважае Надоршын. - Падняць нафту да $105 або нават да $90 можа толькі адзін выразны і зразумелы фактар - гэта паскарэнне росту ў Кітаі, што не вельмі імаверна. Гэта пры ўмове, што мы не разглядаем катаклізмы, якія ўплываюць на прапанову, напрыклад, нестабільнасць на Блізкім Усходзе».

Найбольш аптымістычны прагноз па курсе даляра пры $70 за барэль дае «Рэнесанс Капітал» - 44,7 руб. «Мы думаем, што цяпер рынак ацэньвае рубель як быццам бы пры кошце $60 за барэль. Таксама рынак дагэтуль толькі прыстасоўваецца да нізкіх коштаў нафты і абмежаваных інтэрвенцыяў Цэнтрабанка, што значна ўзмацняе зменлівасць кошту», - патлумачылі аналітыкі «Рэнесанс Капіталу».

Курс Альфа-банка на 2015 год - 48 руб. «Рубель мае патэнцыял да ўмацавання гэтага ўзроўню, так як будзе памяншэнне імпарту, таму што ў нас ёсць эмбарга на прадукты. Акрамя таго, у мяне больш аптымістычны погляд што да існых аперацый на будучы год, гэта значыць сальда будзе станоўчае, нягледзячы на падзенне коштаў нафты, таму гэта дае дадатковую падтрымку рублю», - патлумачыла галоўны эканаміст Альфа-банка Наталля Арлова.

Курс «Сістэмы» нават больш існага - 57 руб за даляр. Надоршын кажа, што ў ягоным прагнозе закладзены значны адток капіталу, «адпаведна, патанненне рубля ідзе больш хуткімі тэмпамі, чым патанненне нафты».