Андрэй Парубій: Агрэсію Пуціна перамовамі не спыніць

Украіне патрэбна мабілізацыя і цеснае супрацоўніцтва з ЗША.

Пра гэта заявіў віцэ-спікер Вярхоўнай Рады і экс-кіраўнік Рады нацыянальнай бяспекі і абароны Украіны Андрэй Парубій. Ён паведаміў, што будзе ўздымаць пытанне аб прадстаўленні Украіне статусу спецыяльнага саюзніка ЗША.

«Я як віцэ-спікер буду ініцыяваць, каб адным з першых пытанняў быў разгледжаны зварот Вярхоўнай Рады да Кангрэсу ЗША аб прадстаўленні Украіне статусу спецыяльнага саюзніка», - заявіў ён.

Парубій адзначыў, што гэты статус спросціць не толькі працэс прадстаўлення Украіне ўзбраення, але і сумеснае развязанне пытанняў бяспекі.

«Украіна зможа атрымаць статус спецыяльнага саюзніка ЗША ўжо на працягу некалькіх месяцаў. Гэта забяспечыць павелічэнне фінансавай дапамогі для нашага войска, а таксама вайсковую падтрымку ва ўмовах працягу агрэсіі РФ», - заявіў ён.

Віцэ-спікер Вярхоўнай Рады ўпэўнены, што парламент падтрымае прапанову Мінабароны Украіны аб павелічэнні фінансавання войска ў 2015 годзе да 50 млрд грн.

«Нам неабходная мабілізацыя і ўмацаванне нашых Узброеных сіл, бо з дапамогай перамоваў з Пуціным мы не даб'ёмся таго, што агрэсія будзе спыненая. Ён будзе выкарыстоўваць гэтыя перамовы ў сваіх мэтах. Таму ўкраінскае грамадства павінна мабілізавацца», - мяркуе віцэ-спікер.

Таксама Парубій паведаміў, што сёння ўзначаліў міжфракцыйнае аб'яднанне дэпутатаў «Самаабарона Майдана», якое працягне ў парламенце абараняць інтарэсы і запыты рэвалюцыі. Галоўным чынам, аб'яднанне будзе настойваць на прыняцці законаў для рэформы абароннай прамысловасці.

Нагадаем, Сенат ЗША зацвердзіў Закон аб аказанні вайсковай дапамогі Украіне.