За збыт наркотыкаў будуць саджаць на 25 гадоў

Праект антынаркатычнага дэкрэта прадугледжвае пакаранне за збыт наркотыкаў у выглядзе пазбаўлення волі тэрмінам да 25 гадоў.

Старшыня Вярхоўнага суда Валянцін Сукала прыняў удзел ва ўрачыстай цырымоніі адкрыцця новага будынка раённага суда ў Валожыне, паведамляе БелТА.

Ён распавёў: «Тыя пастановы, якія былі прынятыя на нарадзе ў пытаннях процідзеяння незаконнаму абароту наркатычных сродкаў у кіраўніка дзяржавы, цяпер рэалізуюцца на практыцы. Ужо падрыхтаваны ў канчатковым варыянце праект дэкрэта, у якім у прынцыпе ёсць усё тое, пра што гаварылася на нарадзе».

Прынамсі, праектам дэкрэта прадугледжанае ўзмацненне адказнасці за распаўсюд наркотыкаў. «У першую чаргу гэта закране распаўсюджвальнікаў наркотыкаў, тых, хто прадае і распрацоўвае так званыя дызайнерскія наркотыкі. Для іх пакаранне ўсталёўваецца пры асабліва абцяжваючых абставінах аж да 25 гадоў пазбаўлення волі. Для спажыўцоў наркотыкаў уводзяцца спецыяльныя прафілакторыі з узмоцненым рэжымам, г.зн. прадугледжаны цэлы шэраг навацый, якія ўзмацняюць жорсткасць адказнасць за збыт і ўжыванне наркотыкаў», - сказаў старшыня Вярхоўнага суда.

Са слоў Валянціна Сукалы, антынаркатычны дэкрэт можа быць падпісаны да канца гэтага года.