«Канвой Пуціна» перасягнуў мяжу Украіны

Ва Украіну сёння зайшоў 141 грузавік дзявятага расейскага «канвою».

Пра гэта УНІАН паведаміла Дзяржаўная памежная служба краіны.

«Расейскі бок у аднабаковым парадку зрабіў афармленне дзявятага «гуманітарнага грузу». Улічваючы, што прадстаўнікі Міжнароднага Камітэта Чырвонага Крыжа не бралі ўдзелу ў перавозцы грузу, украінскія зводнае падраздзяленне зрабіла толькі візуальнае назіранне за праходжаннем расейскага грузу праз дзяржаўную мяжу, без выканання ўскладзеных на яго кантрольных функцый», - гаворыцца ў паведамленні.

Візуальны кантроль за перасячэннем мяжы быў зроблены ў пунктах пропуску для аўтамабільнага маршруту «Данецк» і «Мацвееў Курган» на тэрыторыі Расейскай Федэрацыі двума зводнымі памежна-мытнымі групамі.

«З 07.10 да 08.20 праз пункт пропуску «Данецк» (РФ) аформлена 87 транспартных сродкаў. З 07.00 да 07.40 праз пункт пропуску «Мацвееў Курган» (РФ) прайшло 54 машыны», - адзначае ведамства.

Нагадаем, сёння ў МНС РФ заявілі, што мяжу Украіны перасеклі 130 аўтамабіляў. Калона грузавых аўтамабіляў, якую ў Расеі называюць «гуманітарны канвой», нібыта вязе 1,2 тысяч тон прадуктаў харчавання - цукар, кансервы, а таксама будаўнічыя матэрыялы.

У РНБА заяўляюць, што ўсе гэтыя «гуманітарныя канвоі», якія Расея адпраўляе ва Украіну без яе дазволу, «з'яўляецца толькі падтрымкай узброеных людзей». Галоўным чынам, грузавікі завозяць у падкантрольныя тэрарыстам тэрыторыі боепрыпасы, сухія пайкі, зброю.

Паводле звестак РНБА, расейскія грузавікі з «гуманітарнага канвою», вяртаючыся ў РФ, вывозілі з украінскіх заводаў на Данбасе абсталяванне і вугаль. Акрамя таго, гэтымі КАМАЗ у Расеі вывозілі целы забітых ва Украіне расейскіх жаўнераў.