Беларусы ўсталявалі гадавы рэкорд у куплі валюты

Пасля жнівеньскага рэкорду ў чыстай продажы гатоўкі замежнай валюты ў лістападзе ўсталяваны рэкорд гэтага года ў чыстай куплі.

Яе аб'ём склаў 150,5 млн даляраў супраць чыстага продажу 46,3 млн даляраў у кастрычніку. Рэкорд адбыўся за кошт таго, што насельніцтва рэзка перастала здаваць валюту - яе продаж у лістападзе абрынуўся на 21,6% у параўнанні з кастрычнікам.

Экспэрты адзначаюць, што вялікія аб'ёмы чыстай куплі валюты адбіліся і на стане золатавалютных рэзерваў Беларусі. Як паведамляў tut.by, у лістападзе ЗВР паводле міжнародных стандартаў знізіўся амаль на 203 млн даляраў, да 5,821 млн даляраў на 1 снежня 2014 года.

Паводле звестак Нацбанка, у лістападзе грамадзяне павялічылі куплю гатоўкі валюты на 3,3% у параўнанні з кастрычнікам да 776 млн даляраў.

З пачатку года беларусы купілі гатоўкі валюты на 7,764 млрд даляраў, прадалі - на 8,323 млрд, застаючыся чыстым прадаўцом. Пры гэтым з улікам безнаяўных аперацый беларусы апынуліся чыстым пакупніком: у студзені-лістападзе яны купілі на 1,043 млрд даляраў больш, чым прадалі. З улікам нядаўняй рэкамендацыі Нацбанка камбанкам краіны вызначаць для кліентаў больш выгадны курс куплі і продажу валюты па картках у параўнанні з аналагічнымі аперацыямі з гатоўкай, доля безнаяўных грошай будзе расці.

Беларускія суб'екты гаспадарання ў студзені-лістападзе купілі 20,455 млрд даляраў, прадалі - 20,410 млрд.