«Раснафта» правяла сакрэтнае размяшчэнне аблігацый

Размяшчэнне выклікала масу гіпотэз аж да падрыхтоўкі галаўной кампаніі да банкруцтва.

Найбуйнейшая расейская нафтавая кампанія Раснафта правяла найбуйнейшае ў гісторыі РФ размяшчэнне рублёвых біржавых аблігацый на 625 руб (11,5% ад агульнага аб'ёму айчыннага рынку карпаратыўных бондаў) цягам аднаго дня і ў становішчы найстражэйшай сакрэтнасці, паведамляе выданне КоммерсантЪ.

Кампанія адвяла гадзіну на збор заявак і паспяхова яго завяршыла, адзіным арганізатарам размяшчэння стаў даччыны Раснафты ВБРР. Стаўка купона размешчаных 13 выпускаў шасцігадовых аблігацый склала 11,9%, што ніжэй за бягучую прыбытковасць нават дзяржаўных бондаў. Так, даходнасць ОФЗ з пагашэннем у красавіку 2021 учора складала 12,2%.

Пакупнікі папер і мэта прыцягнення сродкаў не раскрываюцца. Паводле звестак Маскоўскай біржы, самы буйны выпуск аблігацый (175 руб.) быў набыты за сем здзелак. Дзевяць выпускаў аб'ёмамі 15-30 млрд. руб інвестары купілі за адзін раз, у двух выпусках было дзве і ў двух ж - чатыры здзелкі. Сама Раснафта толькі паведаміла ўчора ўвечары, што ўся атрыманая сума будзе праз беспрацэнтныя шасцігадовыя пазыкі прыкладна ў роўных дзелях размеркаваная паміж шасцю даччынымі структурамі.

Першыя каментары ўдзельнікаў рынку зводзіліся да таго, што паперы так ці інакш былі выкупленыя за кошт сродкаў Фонду нацыянальнага дабрабыту, аднак крыніцы "Коммерсанта" ва ўрадзе гэта актыўна абвяргаюць.

Паводле звестак выдання, пакупнікамі папер выступілі чатыры банкі з ліку найбуйнейшых, у асноўным гэта дзяржбанкі.

Агулам жа на фоне поўнай адсутнасці тлумачэнняў з боку эмітэнта і ўладаў размяшчэнне выклікала сур'ёзнае здзіўленне аналітыкаў і масу самых дзіўных і фантастычных гіпотэз аж да падрыхтоўкі галаўной кампаніі да банкруцтва.

Фота: РІА «Навіны»