Тэрарыст у Сіднэі запатрабаваў сустрэчы з прэм'ерам Аўстраліі
1- 15.12.2014, 11:39
- 5,444
Акрамя таго, ён запатрабаваў перадаць яму сцяг «Ісламскай дзяржавы».
Тэрарыст, які захапіў закладнікаў у кавярні Сіднэя, запатрабаваў сустрэчу з прэм'ер-міністрам Аўстраліі Тоні Эбат.
Акрамя таго, ён запатрабаваў перадаць яму сцяг «Ісламскай дзяржавы», піша liga.net.
Паводле інфармацыі СМІ, злачынец заявіў, што ў кавярні закладзеныя дзве бомбы, яшчэ два выбуховыя прыстасаванні нібыта знаходзяцца ў іншых частках горада.
Тоні Эбат зрабіў другую заяву ў сувязі з захопам закладнікаў у кавярні ў цэнтры Сіднэя. Ён назваў «глыбока абуральным» той факт, што «нявінныя людзі ўтрымліваюцца узброеным чалавекам, які заяўляе пра палітычныя матывы».
Нагадаем, сёння а 10-й раніцы паводле мясцовага часу ў Сіднэі былі захопленыя закладнікі ў кавярні Lindt. Дакладны лік закладнікаў невядомы - мяркуецца, што ва ўстанове знаходзяцца блізу 30 чалавек. Пяцёра закладнікаў, трое мужчын і дзве жанчыны, здолелі збегчы з кавярні.