Сяргей Няфёдаў: У «Нёмане зараз становішча, калі адным словам, на літару ж...»

Былы гулец, трэнер і начальнік "Нёмана" Сяргей Няфёдаў распавёў, што яму крыўдна за цяперашні стан спраў у гарадзенскім клубе.

Пра гэта ён распавёў "Прессболу".

- Новы год для "Нёмана" асаблівы - яму 50 гадоў.

- Юбілей наспеў на цяжкі час: кажуць, даўгі дайшлі да 15 мільярдаў рублёў і яшчэ растуць. Ды і ў астатні ... Ведаю, некаторыя ветэраны "Нёмана" ў разгар сезону здавалі бясплатныя пропускі: нехта праз адсутнасць цікавасці да якасці гульні землякоў, хтосьці - ад няўвагі да іх персон. Так, можна запусціць салют на найбліжэйшай вуліцы Каліноўскага - пасля прайгранага матчу Берасцю. Але і элементарную павагу да людзей, якія паклалі на футбол сваё здароўе, трэба мець.

- Сёння "Нёман" не ўзор фінансавай стабільнасці, і гэта - мякка кажучы.

- Як у той песні: душа баліць, а сэрца плача. І справа не толькі ў фінансах, але і ў месцы ў табліцы. Зрэшты, адно выцякае з іншага - прывыклі спажываць, а не зарабляць. Цяпер вось становішча, калі адным словам, на літару ж... Каманда развальваецца літаральна на вачах. І прасвету ў канцы тунелю, на жаль, пакуль не відаць.

Нельга ўвесь час спадзявацца на бюджэтныя грошы - гэта нясе наступствы. Хоць трэба аддаць належнае Саладоўнікаву і Сахарэвічу: яны робяць усё магчымае. Але ж далёка не ўсё ў гэтай сітуацыі залежыць ад іх.