Цэнтрабанк РФ павышае ключавую стаўку да 17% гадавых
11- 16.12.2014, 9:41
- 10,690
Цэнтральны банк Расеі павышае ключавую стаўку да 17% гадавых з 16 снежня 2014 года.
Аб гэтым паведамляецца на афіцыйным сайце рэгулятара, піша gazeta.ru.
«Крэдыты, забяспечаныя нерыначнымі актывамі або паручальніцтвам, на тэрмін ад 2 да 549 дзён з 16 снежня 2014 будуць давацца па плывучай адсоткавай стаўцы, устаноўленай на ўзроўні ключавой стаўкі Банка Расеі, павялічанай на 1,75 а.п. (раней гэтыя крэдыты на тэрмін ад 2 да 90 дзён падаваліся па фіксаванай стаўцы)», - гаворыцца ў паведамленні.
Максімальны аб'ём надавання сродкаў на аўкцыёнах РЭПО, у сваю чаргу, павялічаць да $5 млрд.
У Цэнтрабанку адзначаюць, што гэтая пастанова звязаная з «неабходнасцю абмежаваць істотна ўзрослыя ў апошні час дэвальвацыйныя і інфляцыйныя рызыкі».