Сёння ў Беларусі - дождж і мокры снег
1- 17.12.2014, 9:25
- 4,603
Днём тэмпература захаваецца плюсавой.
17 снежня надвор'е ў Беларусі зноў не дасць шанцу беларускам выгуляць свае кажушкі. Па-першае, сіноптыкі прадказваюць, што тэмпература ўвесь дзень пратрымаецца на плюсавых адзнаках (ад 0 да 5 градусаў цяпла), а па-другое, тыя ж сіноптыкі прадказваюць на сераду дажджы і мокры снег, піша БелТА са спасылкай на гідраметэацэнтр.
Яшчэ ў сераду ўсім, хто збіраецца выйсці ці выехаць з дому, трэба быць асцярожнымі - галалёд і галалёдзіца мяркуюцца слабымі, але яны ўсё ж такі чакаюць вас за парогам.