«Рэал» выйшаў у фінал клубнага чэмпіянату свету
1- 17.12.2014, 10:01
- 5,942
Мадрыдскі «Рэал» выйшаў у фінал клубнага чэмпіянату свету ў футболе, які праходзіць у Марока.
У паўфінальным матчы гішпанцы абгулялі мексіканскі «Крус Асуль» з лікам 4:0. Пра гэта паведамляе Lenta.ru са спасылкай на афіцыйны сайт Міжнароднай федэрацыі футбола (ФІФА).
Мячы ў складзе «сметанковых» забілі Серхіа Рамас (15-я хвіліна), Карым Бензема (36), Гарэт Бэйл (50) і Іска (71). Крышціяну Раналду адзначыўся двума галявымі перадачамі, а брамнік «каралеўскага клуба» Ікер Касільяс адбіў пенальці.
У фінале «Рэал» сустрэнецца з пераможцам сустрэчы «Сан-Ларэнса» (Аргенціна) - «Акленд Сіці» (Новая Зеландыя), якая адбудзецца ў сераду, 17 снежня.
Фінал і гульня за трэцяе месца пройдуць у адзін дзень - 20 снежня.
Клубны чэмпіянат свету - штогадовае спаборніцтва наймацнейшых прадстаўнікоў шасці кантынентальных канфедэрацый. Цяперашнім уладальнікам трафея з'яўляецца нямецкая «Баварыя». У цяперашнім розыгрышы Еўропу ўяўляе ўладальнік кубка Лігі чэмпіёнаў мадрыдскі «Рэал», які яшчэ ні разу ў сваёй гісторыі не выйграваў клубнае сусветнае першынство.