«Дэпутат»: Краіна ў цяжкім становішчы, але падаткі павысім

«Дэпутаты» «палаты прадстаўнікоў» на паседжанні 17 снежня ўзялі ў другім чытанні папраўкі ў Падатковы кодэкс.

Як паведаміў намеснік старшыні парламенцкай камісіі ў бюджэце і фінансах Аляксандр Мякінік, «дэпутаты» «разумеюць, у якім цяжкім стане знаходзіцца краіна». Аднак, падкрэсліў ён, падатковая нагрузка ў Беларусі ў наступным годзе захаваная на ўзроўні падатковай нагрузкі Расеі і Казахстана, што «дазваляе быць канкурэнтаздольным ў рамках Мытнага саюза».

Законапраектам прадугледжанае павышэнне стаўкі падаходнага падатку з 12 да 13%. Пры гэтым адначасова прадугледжваецца магчымасць надавання маёмаснага падатковага выліку паводле дагаворах лізінгу з наступным выкупам жылога дома або кватэры для грамадзян, што маюць патрэбу ў паляпшэнні жыллёвых умоў, паведамляе БелаПАН.

Дакумент прадугледжвае павелічэнне ставак акцызаў на падакцызныя тавары (за выключэннем аўтамабільнага паліва і піва) у суме, якую забяспечваюць коштавую канкурэнтаздольнасць беларускіх вытворцаў.

Стаўкі акцызаў на нафтапрадукты будуць зніжаныя ў сярэднім на 22% да ўзроўню 2014 года, стаўкі падатку на прыбытак для банкаў і страхавых арганізацый - павялічаныя з 18 да 25%.

Законапраект дае права мясцовым саветам дэпутатаў павялічваць (змяншаць) не больш чым у 2,5 разы стаўкі падатку на нерухомасць і зямельнага падатку асобным катэгорыям плацельшчыкаў.

Акрамя таго, усталёўваюцца ільготы ў 50% ад стаўкі дзяржаўнай пошліны за выдачу фізічным асобам дазволу на допуск транспартнага сродку да ўдзелу ў дарожным руху ў дачыненні да транспартнага сродку, уладальнікам якога з'яўляецца пенсіянер па ўзросту, інвалід I або II групы, а таксама паніжэнне стаўкі пошліны на 0,5 для транспартных сродкаў, прызначаных для перавозкі небяспечных грузаў.

Адначасова ў мэтах кампенсацыі страт бюджэту павялічаная сума ставак пошліны на адну базавую велічыню па легкавых аўтамабілях, якія належаць фізічным асобам, а па астатніх відах транспартных сродкаў - на дзве базавыя велічыні.