Майкл Макфол: Расейская эліта ў паніцы, Мядзведзева чакае адстаўка

Экс-амбасадар ЗША ў Маскве ўважае за магчымую адстаўку расейскага кабінета міністраў бліжэйшымі тыднямі.

Пра гэта паведамляе gazeta.ru са спасылкай на CNBC.

«Я думаю, што ён (Пуцін) можа змяніць урад. Я думаю, гэта можа быць сюрпрызам з ягонага боку бліжэйшымі днямі або тыднямі», - заявіў Макфол.

На думку былога пасла, ва ўмовах абрынання расейскай эканомікі прэзідэнт Расеі не можа дазволіць сабе бяздзейнасць. «Захаванне статус-кво не будзе спрыяльным», - падкрэсліў Макфол.

Дыпламат заўважыў, што сярод эканамічнай эліты Расеі назіраецца паніка, і гэта вымушае Пуціна дзейнічаць больш асцярожна.