Еўрапарламент падтрымаў абвяшчэнне незалежнасці Палесціны
1- 17.12.2014, 22:04
- 3,919
У прынятай рэзалюцыі гаворыцца, што прызнанне палесцінскай дзяржаўнасці павінна суправаджацца прадаўжэннем мірных перамоў.
Еўрапарламент прыняў рэзалюцыю з заклікам прызнаць Палесціну незалежнай дзяржавай, абвясціў старшыня пасяджэння, паведамляе "Росбалт".
Сумесная рэзалюцыя была падрыхтаваная пяццю фракцыямі Еўрапарламента.
"Еўрапарламент падтрымлівае прынцып прызнання Палесцінскай дзяржавы і рашэнне, заснаванае на дзвюх дзяржавах, і лічыць, што гэта павінна суправаджацца прадаўжэннем мірных перамоў, якія павінныя рушыць наперад", - гаворыцца ў тэксце дакумента.
Нагадаем, раней паведамлялася, што Палесцінская аўтаномія будзе настойваць на галасаванні за рэзалюцыю аб прызнанні дзяржавы ў ААН, нягледзячы на накладзенае ЗША вета.