Карціна Чэрчыля пайшла з малатка за рэкордную суму

Карціна «Сажалка з залатымі рыбкамі ў Чартвеле» была прададзеная на аўкцыёне ў Лондане за 2,8 мільёна даляраў.

Яна пабіла папярэдні рэкорд таргоў. Тады карціна Уінстана Чэрчыля абышлася пакупніку на мільён фунтаў танней, піша gazeta.ru.

Карціна з'яўляецца часткай рэчаў, распрададзеных пасля смерці дачкі палітыка, Мэры Соамс, якая памерла ў траўні 2014 года.

Яшчэ адным каштоўным лотам таргоў стала чырвоная скрыня для дакументаў, які належаў Чэрчылю. Ён быў прададзены за 249 тысяч даляраў (158,5 тысяч фунтаў стэрлінгаў).

У 2008 годзе на гарышчы аднаго з дамоў у Оксфардзе была знойдзеная карціна Чэрчыля, якая паказвае возера ў каралеўскім маёнтку ва Уіндлішам Мур у графстве Сурэй. Кіраўнік брытанскага ўрада захапляўся жывапісам, але лічыў сябе пасрэдным мастаком і вельмі рэдка падпісваў свае працы.