ЕЗ уводзіць новыя санкцыі супраць «уладаў» Крыма

Рада Еўразвязу прыняла пастанову ўвесці новыя санкцыі супраць акупаванага Крыма.

Адпаведная пастанова была прынятая па пісьмовай працэдуры, паведаміла на брыфінгу прэс-сакратарка вярхоўнага прадстаўніка Еўразвязу ў пытаннях замежнай палітыкі і палітыкі бяспекі Федэрыка Магерыні Мая Качыянчыч, піша УНИАН.

«Я магу пацвердзіць, што некалькі хвілін таму Рада пісьмовай працэдурай прыняла новыя значныя дадатковыя санкцыі. Мы гаворым аб дадатковых мерах па інвестыцыях, паслугах і гандлі з Крымам і Севастопалем», - сказала яна.

Са слоў Маі Качыянчыч, прынятыя меры будуць апублікаваныя ў Афіцыйным часопісе заўтра і ўвойдуць у дзеянне ў суботу, 20 снежня.

«Як вы ведаеце, ЕЗ сказаў, што анэксія Крыма і Севастопаля з'яўляецца незаконнай і супярэчыць міжнароднаму заканадаўству. Таму мы робім больш жорсткай палітыку непрызнання незаконнай анэксіі Расеяй», - адзначыла яна.

Перад афіцыйным пачаткам саміту сёння ЕЗ планаваў прыняць дадатковыя санкцыі ў сувязі з «працягваецца незаконнай анэксіяй Крыма і Севастопаля». Як паведамляюць СМІ, новыя абмежаванні Брусэля закрануць не толькі турызм і інвестыцыі ў эканоміку паўвыспы, але будуць несці таксама забарону на гандаль энэргарэсурсамі і шэраг іншых крымскіх тавараў.