Домрачава і Кушнір - лепшыя спартоўцы Беларусі 2014

Апытанне праводзілася сярод спартыўных журналістаў, якія працуюць у друкаваных і электронных СМІ краіны.

Трохразовая алімпійская чэмпіёнка, біятланістка Дар'я Домрачава і алімпійскі чэмпіён Сочы Антон Кушнір прызнаныя лепшымі спартоўцамі Беларусі 2014 паводле вынікаў апытання газеты «Спартыўная панарама». Апытанне праводзілася 56 раз сярод спартыўных журналістаў, якія працуюць у друкаваных і электронных СМІ.

Удзел у апытанні прынялі 106 чалавек. Бясспрэчнае першае месца заняла Дар'я Домрачава з 1052 баламі. Са 106 журналістаў на першае месца яе паставіў 101 чалавек.

Другое месца таксама ў алімпійскай чэмпіёнкі Сочы-2014, фрыстайлісткі Алы Цупер (871 бал, тры першыя месцы сярод журналістаў, 45 - другое, 50 - трэцяе). Трэцяе месца (і мужчынскае першае) заняў Антон Кушнір з 847 баламі (у яго два першыя, 48 другое, 40 трэціх месцаў).

У дзесятку таксама ўвайшлі: Надзея Скардзіна (біятлон, 653 балы), Андрэй Краўчанка (лёгкая атлетыка, 420), Меліціна Станюта (мастацкая гімнастыка, 286), Марына Арзамасава (лёгкая атлетыка, 245), Сяргей Рутэнка (гандбол, 232), Яўген Цуркін (плаванне, 102), Алена Амялюсік (веласпорт, 101).

Усяго журналісты называлі імёны 78 спартоўцаў.

Лепшай камандай у гульнявых відах спорт названая мужчынская зборная па гандболе (за яе прагаласавалі 49 чалавек), па неігравым - зборная па мастацкай гімнастыцы (42), лепшым трэнерам - трэнер фрыстайлістаў Мікалай Казека (60).