Душан Угрын прыляцеў у Менск на перамовы з Чыжом

47-гадовы чэшскі спецыяліст Душан Угрын-малодшы прыбыў у Менск для перамоваў з уладальнікам менскага «Дынама» Юрыем Чыжом.

Раней стала вядома, што былы настаўнік «Вікторыі» Пльзень даў папярэднюю згоду стаць новым галоўным трэнерам сталічнага клуба, піша Tribuna.com.

Сам спецыяліст высока ацаніў шанцы на тое, што ён падпіша кантракт з «Дынама».

Нагадаем, да гэтага клуб разглядаў варыянт з прызначэннем украінскага спецыяліста Юрыя Максімава, аднак пазней адмовіўся ад яго кандыдатуры.

Нагадаем, Уладзімір Журавель пасля заканчэння тэрміну дзеяння кантракту пакінуў пасаду галоўнага трэнера «Дынама».