РНБА Украіны: Сітуацыя на мяжы з Крымам абвастраецца
4- 19.12.2014, 16:16
- 35,218
Сітуацыя на пунктах кантролю на ўезд у часова акупаваны Крым абвастраецца.
Пра гэта заявіў на брыфінгу спікер Інфармацыйна-аналітычнага цэнтра Рады нацыянальнай бяспекі і абароны Украіны Андрэй Лысенка, паведамляе "Укрінформ".
"У пунктах кантролю "Каланчак", "Чаплінка", "Чонгар" колькасць грузавікоў дасягае 400 адзінак", - паведаміў ён.
Асноўная прычына гэтых чэргаў, са слоў Лысенкі, - планы расейскага боку ўвесці з 1 студзеня дэклараванне ўсіх без выключэння тавараў, што накіроўваюцца з мацерыковай Украіны.
"Дзяржаўная памежная служба Украіны робіць усё магчымае, каб разгрузіць гэты кірунак. Чэргаў на выезд з акупаванага Крыму няма", - дадаў спікер ІАЦ РНБА.