Польшча хоча скараціць імпарт расейскага газу
2- 19.12.2014, 17:02
- 5,285
Польская энэргетычная кампанія PGNiG вядзе перамовы з Газпромам аб магчымым скарачэнні паставак газу з РФ.
Пра гэта паведаміла ТАСС крыніца, знаёмая з ходам перамоваў.
У PGNiG не сталі каментаваць пытанне аб правядзенні перамоваў, якія тычацца перагляду кошту ў кантракце і аб'ёмаў паставак. "Праз тое, што перамовы працягваюцца, PGNiG не можа даць каментар аб дэталях перамоў", - сказалі ў кампаніі, не ўдакладніўшы, ці ідзе гаворка ў перамовах аб скарачэнні паставак.
Нагадаем, у пачатку лістапада PGNiG адправіла ў Газпром запыт аб пераглядзе коштаў на газ. У 2012 годзе PGNiG падпісаў з Газпромам пагадненне аб зніжэнні цэн на расейскі газ, які пастаўляецца ў Польшчу. Як паведамілі тады прадстаўнікі кампаніі, зніжка склала больш за 10%.