Упрыгожваем дом да Новага года: гірлянда з апельсінаў і дэкор з галінак

Разам з дызайнерам мы абралі некалькі простых варыянтаў таго, як зрабіць незвычайны дэкор кватэры да свята.

Гірлянды, якія свецяцца

Гірлянда з агеньчыкамі ўмомант стварае адчуванне свята, нават калі ў хаце няма іншых упрыгожванняў. Са звычайнымі або рознакаляровымі лямпачкамі, з рознымі светлавымі рэжымамі - часцей іх вешаюць на вокны або ўпрыгожваюць імі елку, але можна прыдумаць і што-небудзь цікавейшае, піша Камсамольская праўда ў Беларусі.

- З дапамогай зіхатлівай гірлянды можна стварыць на сцяне які-небудзь малюнак, напрыклад контуры елкі, - кажа дызайнер інтэр'еру Марыя Ключнік-Аляхно. - Замацаваць гірлянду на сцяне можна пры дапамозе невялікіх цвічкоў, шпілек або скотчу. Яшчэ адзін варыянт - прыбраць буйныя расліны, калі яны ў вас ёсць, або абгарнуць нейкія незвычайныя элементы, якія выступаюць у памяшканні. Напрыклад, у нас у цэнтры хаты стаіць калона, якая цяпер ззяе навагоднімі агеньчыкамі. Дарэчы, святлодыёдныя гірлянды - гэта вельмі эканомны варыянт, яны доўга не перагараюць. Добра глядзяцца ў інтэр'еры і фігуркі жывёл, якія свецяцца: аленяў, мядзведзяў.

Кошт пытання:

Гірлянды: ад 60 тыс. руб.

Фігуркі жывёл: ад 220 тыс. руб.

Калядныя вянкі і гірлянды з яловых лап

Навагоднія вянкі традыцыйна вешаюць на дзверы, часам іх кладуць на сталы або ўпрыгожваюць імі сцены. А пышныя гірлянды са штучных яловых лап добра глядзяцца, калі павесіць іх над вокнамі або аформіць з іх дапамогай святочны стол.

Кошт пытання:

Гірлянда са штучных яловых лап - каля 400 тыс. руб.

Калядныя вянкі - ад 240 тыс. Руб.

Шкарпэткі для падарункаў

Традыцыйны калядны дэкор - шкарпэткі для падарункаў. Іх можна зрабіць самастойна або купіць у краме гатовыя. Ідэальны варыянт - павесіць іх над камінам, але калі каміна няма, то можна знайсці месца на сцяне, на паліцы або на навагодняй ёлцы. Часцей за ўсё яны чырвонага колеру, з фігуркамі Санта-Клаўса, але могуць быць самых разнастайных колераў і фасонаў, а лепш за ўсё яны глядзяцца, калі павесіць у шэраг адразу некалькі шкарпэтачак.

Кошт пытання: каля 60 тыс. руб.

Галінка дрэва ўпрыгожыць інтэр'ер

Гэта не проста, а вельмі проста! І да таго ж бясплатна. Знаходзім у парку прыгожую галінку, прывязваем яе да карніза на зручнай вышыні. Можна пафарбаваць, напрыклад, у белы колер, калі ёсць жаданне. І упрыгожваем чым заўгодна: прыгожымі навагоднімі цацкамі, паштоўкамі, цукеркамі.

Яшчэ адзін варыянт: паставіць высокую галінку вертыкальна ў падлогавую вазу, а потым упрыгожыць яе цацкамі. Галоўнае - ваза павінная быць устойлівая і з вузкім рыльцам, каб канструкцыя стаяла трывала.

Высушаныя апельсіны

Яшчэ адно навагодняе ўпрыгожванне - высушаныя кавалачкі апельсіна ці цытрыны.

- Трэба нарэзаць садавіну тонкімі кружочкамі і трохі падсушыць у духоўцы, - кажа дызайнер. - Ці можна сабраць з іх вянок, можна развесіць на нітках як ёлачныя ўпрыгажэнні, а можна зрабіць гірлянду і павесіць на акно. Атрымліваецца і прыгожа, і духмяна!