ФБР: За хакерскай атакай на Sony Pictures стаіць КНДР

ФБР апублікавала новую справаздачу пра ход расследавання, у якой гаворыцца, што шкоднасныя праграмы маюць паўночнакарэйскае паходжанне.

Федэральнае бюро расследаванняў ЗША прыйшло да высновы, што за хакерскімі нападамі на кінакампанію Sony Pictures праз кінакамедыю "Інтэрв'ю" пра змову з мэтай забойства паўночнакарэйскага лідара Кім Чэн Ына стаіць КНДР, паведамляе BBC.

Акрамя таго, выяўленая сувязь паміж цяперашняй атакай, зробленай хакерамі з групы "Вартавыя свету", і ранейшымі выпадкамі Кібератакі ў дачыненні да ўрада ЗША.

Паводле звестак ФБР, аналагічныя прыёмы ўжываліся падчас атакі на банкі Паўднёвай Карэі ў сакавіку 2013 года. ФБР лічыць даказаным той факт, што за ўсімі гэтымі акцыямі стаіць Пхеньян.

Кампанія Sony Pictures адклікала фільм праз пагрозы з боку хакераў, якія раней выклалі ў агульны доступ асабістую перапіску кіраўніцтва кампаніі і персанальныя звесткі супрацоўнікаў.

Многія кінатэатры ў ЗША заявілі, што адмаўляюцца дэманстраваць фільм, прэм'ера якога была прызначаная на 25 снежня. Хакеры пагражалі "паўторам 11 верасня", калі фільм выйдзе ў пракат.

Рашэнне аб адмове ад пракату фільма "Інтэрв'ю" выклікала шквал крытыкі ў Галівудзе. Акцёр і рэжысёр Джордж Клуні заявіў, што фільм павінны быць выкладзены ў сетку, а Галівуд не павінны паддавацца на пагрозы КНДР.

Улады Паўночнай Карэі адмаўляюць сваё дачыненне да хакерскага нападу, але выказаліся пра яе станоўча.