Амерыканцы выпрабавалі мінамётны снарад, які карэктуецца
3- 2.12.2014, 17:34
- 14,904
Raytheon выпрабавала мінамётны снарад павялічанай далёкасці PERM (Precision Extended Range Munition), які карэктуецца.
Як паведамляе прэс-служба амерыканскай кампаніі, з чатырох доследных боепрыпасаў тры пабілі зададзеныя мэты з высокай дакладнасцю. Чацвёрты снарад прызямліўся ў некалькіх метрах ад мэты, але ў межах дапушчальнай хібнасці, піша Lenta.ru.
Усе чатыры снарады выпусцілі з 120-міліметровага мінамёта M327 (Rifled Towed Mortar), які стаяў на ўзбраенні Марской пяхоты ЗША. Выпрабаванні прызнаныя паспяховымі.
Міны, якія карэктуюцца, PERM Raytheon распрацоўвае сумесна з ізраільскай Israeli Military Industries. Да канца года, як чакаецца, у інтарэсах Марской пяхоты ЗША выпрабуюць яшчэ 42 такія боепрыпасы. Завяршыць распрацоўку праекта плануецца ў 2015 годзе.
У апісанні праекта PERM гаворыцца, што высокая эфектыўнасць боепрыпаспў дасягаецца адначасова за кошт карэктавання траекторыі міны па GPS і аэрадынамічных характарыстык самога снарада.
Эфектыўная далёкасць PERM па плане ўдвая перавышае характарыстыкі стандартных мінамётных боепрыпасаў. M327, у сваю чаргу, можа паражаць мэты на адлегласці ад 8 да 13 кіламетраў.