Акула «сапсавала» фота з аўстралійскімі серферамі
8- 2.12.2014, 18:50
- 26,253
Марскую драпежніцу можна было ўбачыць побач з удзельнікамі спаборніцтваў у серфінгу.
Кароткапёрая шэрая акула «сапсавала» фота з аўстралійскімі серферамі, паведамляе The Independent. Марскую драпежніцу можна было ўбачыць побач з удзельнікамі спаборніцтваў у серфінгу, піша «Газета.Ru».
«Акула на самай справе выскоквала двойчы», - распавяла Стэф Бэламі, якая зрабіла здымак. «Я чула, як людзі пыталіся, што гэта было. Я зразумела, што гэта акула толькі тады, калі павялічыла яе выяву», - заявіла яна і дадала, што акула зрабіла для серфераў «фотабомбу».
Бэламі паведаміла пра акулу прадстаўнікам спаборніцтваў, і серфераў папрасілі выйсці з вады. Праз дзесяць хвілін спаборніцтвы аднавіліся.
Australia surfers 'photobombed' by spinner shark http://t.co/cxXc0Euhg4 pic.twitter.com/TxWpMk86Ml
— BBC Newsbeat (@BBCNewsbeat) 2 декабря 2014