Кітайскіх дзеячаў культуры адправяць на руднікі

Кітайскія ўлады адправяць дзеячаў культуры на руднікі і вёскі, каб у іх сфарміраваўся «правільны погляд на мастацтва».

Кітайскія ўлады адправяць акцёраў, кінематаграфістаў і тэлевізійнікаў у вёскі і сёлы, каб у іх сфарміраваўся «правільны погляд на мастацтва», паведамляе Lenta.ru са спасылкай на Lenta.ru со ссылкой на The Guardian.

Ведамства, якое ажыццяўляе нагляд над сродкамі масавай інфармацыі ў Кітаі, будзе арганізоўваць паездкі дзеячаў кіно і тэлебачання на штоквартальнай аснове. Акрамя сёлаў і вёсак ім трэба будзе наведаць руднікі, месцы, населеныя этнічнымі меншасцямі, і памежныя тэрыторыі Кітая. Гэтыя паездкі будуць доўжыцца па меншай меры 30 дзён.

Рашэнне было прынятае на фоне заявы старшыні КНР Сі Цзіньпіна аб тым, што творчыя дзеячы не павінныя станавіцца «рабамі рынку» і паляваць за папулярнасцю з дапамогай «вульгарных» работ. Паводле ягоных слоў, замест гэтага ім варта прасоўваць ідэі сацыялізму.

Некаторыя палітычныя аглядальнікі параўноўваюць рашэнне кітайскіх улад з эпохай Мао Цзэдуна, калі інтэлігентаў адпраўлялі ў сельскую мясцовасць працаваць разам з сялянамі.

На думку Джозэфа Чэна (Joseph Cheng), прафесара Ганконскага ўніверсітэта, у вёскі будуць адпраўляць тых, хто крытыкуе ўладу. «Пакуль ты не чапаеш ўладу і вядзеш сябе ціха, можаш прадаўжаць рабіць грошы», - адзначыў эксперт.